SIKUR DO NDAJMË QIELLIN E TOKËN...

Pse miqësinë e fillojmë të pastër
dhe padashur të tjerët ofendojmë?...
Pse s’merremi vesh me njëri-tjetrin,
Kur një gjuhë flasim e kuvendojmë?...

Ne shpesh grindemi për hiç mos gjë
Dhe zgjatim sherrin sa tundim botën
Urrehemi kot dhe nuk flasim me zë,
Sikur duam të ndajmë qiellin e tokën...

Fjala e bukur “Demokraci” o miqtë e mi,
Tek ne u kuptua gabim dhe po e keqkuptojmë.
Ne duhet të ndërtojmë vendin, jo me anarki,
Duam që fëmijët tanë në jetë, të triumfojnë!....

Poezi Luljeta Gjosha Pashollari.
Tirane 22 / 04 / 2015