FLUTURIM QIELLOR

Fluturova në qiell,si kanarinë,
me një trëndafil në sqep shtrënguar,
Doja të takoja dashurinë, 
Sepse diku larg meje ka qëndruar...

Krahëhapur në atë fluturim,
U enda rretheqark në hapësirë,
Renda gjithandej pa përtim,
Po nuk e gjeta deri në të gdhirë...

Eh, moj e shtrenjta dashuri,
Që vetëm një herë në jetë vjen,
Fluturimin si zogu e pate dhe ti,
Më trego ku e ke ngritur folenë?

Mundohem të të shkul nga shpirti,
Por ti në gjakun tim ke qëndruar,
Mijëra rruaza ke përhapur kudo,
Si lulëkuqe në trupin e dashuruar...

Luljeta GjoshaPashollari

Tirane 27/04/2015