VALLËZO ME MUA MOJ E DASHUR...

Vallëzo me mua moj e dashur,
Në këto ditë të egra me stuhi,
Melodia e kitarës në të zbardhur, 
Gjakun fillon të ma shkri...

Afrohu pranë meje, moj bukuri
porsi një flutur krahëshkruar
dhe ëmbël bjeri violinës ti,
Muzikën tonë të preferuar...

Me nota të zjarrta dashurie fine...
nëpër mjegull lehtë më kalon,
flokët t’i merr era si tela violine,
Nga fërkimet e kordave që prodhon.

Melodinë e ëmbël në zemër më jeho,
nise udhëtimin në viset ku je ti,
si një fantazmë do të ndjek kudo,
Gjersa shpirti im të gjej qetësi...

POEZI LULJETA GJOSHA

 —